Göyçayda Anar Məcidzadənin gənclərlə görüşü təşkil olunub



Göyçay rayonunda Azərbaycan Yazıçılar Birliyinin üzvü, Jurnalistlər Birliyinin üzvü Anar Məcidzadənin gənclərlə görüşü təşkil olunub. Göyçay Gənclərinin İnkişaf və Karyera Mərkəzinin təşkilatçılığı ilə keçirilən görüşü Mərkəzin direktoru Coşqun İsmayılov açaraq qeyd edib ki, rayonda bu cür tədbirlər silsilə şəkildə təşkil olunur. C. İsmayılov vurğulayıb ki, Göyçayın ziyalılarının, yaradıcı şəxslərinin tanıdılması, görüşlərin keçirilməsi gənclərimizin dünyagörüşünün genişlənməsinə, onlarda mütaliyəyə həvəsin yaranmasına öz müsbət təsirini göstərir.
Daha sonra çıxış edən Anar Məcidzadə tədbirin təşkilatçılarına təşəkkürünü bildirib. Natiq gənclərlə görüşün keçirilməsindən məmnun olduğunu vurğulayıb.
Daha sonra A. Məcidzadə şeirlərini səsləndirib, eləcə də gənclərlə fikir mübadiləsi aparılıb.